Wallpaper Of JuDaI PoEtRy

JuDai PoEtRy

vo aake Khvaab me.n taskiin-e-iztiraab to de
vale mujhe tapish-e-dil majaal-e-Khwaab to de

[taskiin=satisfaction; iztiraab=anxiety; tapish=burn; majaal=strength]
kare hai qatl lagaavaT me.n teraa ro denaa

terii tarah koii teG-e-nigaah ko aab to de
[teG=sword, aab=sharpen]

dikhaake jumbish-e-lab hii tamaam kar hamako
na de jo bosaa to muu.Nh se kahii.n javaab to de

[jumbish=motion, bosaa=kiss]

pilaa de oak se saaqii jo hamase nafrat hai
pyaalaa gar nahii.n detaa na de, sharaab to de

[oak=palm of the hand]

‘Asad’ Khushii se mere haath paa.Nv phuul gae
kahaa jo us ne zaraa mere paa.Nv daab to de

WallPaPer of JudAi PoEtry

JuDaI PoEtRy

us bazm me.n mujhe nahii.n banatii hayaa kiye
baiThaa rahaa agarche ishaare huaa kiye

dil hii to hai siyaasat-e-darbaa.N se Dar gayaa
mai.n aur jaauu.N dar se tere bin sadaa kiye

[siyaasat=politics, darbaa.N=doorkeeper/sentry, dar=door]
[sadaa=sound, here it means conversation ]

rakhataa phiruu.N huu.N Khiirqaa-o-sajjaadaa rahan-e-mai
muddat huii hai daavat-e-aab-o-havaa kiye

[Khiirqa=a patched garme.nt, sajjaada=a prayer carpet, rahn=mortgage, aab-o-hava=climate]
be_sarfaa hii guzaratii hai, ho garche umr-e-Khizr

hazarat bhii kal kahe.nge ki ham kyaa kiyaa kiye
[be_sarfaa=simple life, umr-e-Khijz=everlasting life ]

maqaduur ho to Khaak se puuchhuu.N ke ae laiim
tuune vo ga.nj haaye giraa.N_maayaa kyaa kiye

[maqaduur=capable, Khaak=dust/earth, laiim=miserly]
[ga.nj=treasure/wealth, giraa.N_maayaa=valuble/precious ]

kis roz tohamate.n na taraashaa kiye aduu
kis din hamaare sar pe na aare chalaa kiye

[tohamate.n=accusations, aduu=enemy ]
sohabat me.n Gair kii na pa.Dii ho kahii.n ye Khuu

dene lagaa hai bose baGair iltijaa kiye
[sohabat=company, Khuu=habit, bose=kisses, iltijaa=request ]

zid kii hai aur baat magar Khuu burii nahii.n
bhuule se us ne saika.Do.n vaade-vafaa kiye

[Khuu=habit ]

‘Ghalib’ tumhii.n kaho ki milegaa javaab kyaa
maanaa ki tum kahaa kiye aur vo sunaa kiye

tuu dost kisii kaa bhii sitam_gar na hu_aa thaa
auro.n pe hai vo zulm ki mujh par na hu_aa thaa

chho.Daa mah-e-naKhshab kii tarah dast-e-qazaa ne
Khurshiid hanoz us ke baraabar na hu_aa thaa

taufiiq ba andaaz-e-himmat hai azal se
aa.Nkho.n me.n hai vo qataraa ki gauhar na hu_aa thaa

jab tak kii na dekhaa thaa qad-e-yaar kaa aalam
mai.n motaqid-e-fitanaa-e-mahashar na hu_aa thaa

mai.n saadaa dil aazurdagi-e-yaar se Khush huu.N
yaanii sabaq-e-shauq mukarrar na hu_aa thaa

dariyaa-e-ma_aasii tunuk abhii se hu_aa Khushk
meraa sar-e-daaman bhii abhii tar na hu_aa thaa

jaarii thii asad daaG-e-jigar se mere tahasiil
aatash_qadaa jaagiir-e-samandar na hu_aa thaa

Wallpaper Of JUdai Poetry

JuDai PoEtrY

surmaa-e-muft-e-nazar huu.N merii qiimat ye hai
ke rahe chashm-e-Kharidaar pe ehasaa.N meraa

ruKhsat-e-naalaa mujhe de ke mabaadaa zaalim
tere chehare se ho zaahir Gam-e-pinhaa.N meraa

surmaa-e-muft-e-nazar huu.N merii qiimat ye hai
ke rahe chashm-e-Kharidaar pe ehasaa.N meraa

Wallaper Of Judai Poetry

JuDaI PoEtrY

shikave ke naam se bemehar Khafaa hotaa hai
ye bhii mat kah ke jo kahiye to gilaa hotaa hai

[shikavaa=complaint]

pur huu.N mai.n shikave se yuu.N raag se jaise baajaa
ik zaraa chhe.Diye phir dekhiye kyaa hotaa hai

[pur honaa=to be filled (with)]

go samajhataa nahii.n par husn-talaafii dekho
shikavaa-e-jaur se sar-garm-e-jafaa hotaa hai

[husn-talaafii=beautiful way of forgiveness]
[shikavaa-e-jaur=complaint about torture/oppression]
[sar-garm-e-jafaa=busy in being unfaithful (torture to the lover)]

ishq kii raah me.n hai charKh-e-makaukab kii vo chaal
sust-rau jaise ko_ii aabalaa_paa hotaa hai

[charKh-e-makaukab=star-sudded sky]

[sust-rau=slow speed; aabalaa_paa=one who has blisters on the feet]

kyuu.N na Thahare.n hadaf-e-naavak-e-bedaad ke ham
aap uThaa laate hai.n gar tiir Khataa hotaa hai

[hadaf-e-naavak-e-bedaad=target of (arrow of) oppression/injustice]
[tiir Khataa honaa=misdirected arrow]

Khuub thaa, pahale se hote jo ham apane bad-Khvaah
ke bhalaa chaahate ha.n aur buraa hotaa hai

[bad-Khvaah=ill-wisher]

naalaa jaataa thaa pare arsh se meraa aur ab
lab tak aataa hai, jo aisaa hii rasaa hotaa hai

[naalaa=wailing/cry; pare arsh=beyond the skies][rasaa=reaches]

shauq har rang raqiib-e-sar-o-saamaa.N nikalaa
qais tasaviir ke parde me.n bhii uriyaa.N nikalaa

[raqiib=opponent, sar-o-saamaa.N=with belongings, qais=’majanuu.N’, uriyaa.N=nude ]
zaKhm ne daad na dii ta.ngii-e-dil kii yaarab

tiir bhii siinaa-e-bismil se par_afshaa.N nikalaa
[daad=justice, siinaa-e-bismil=wounded heart, par=wings, afshaa.N=rattle ]

buu-e-gul naalaa-e-dil duud-e-charaaG-e-mahafil
jo terii bazm se nikalaa so parishaa.N nikalaa

[buu=fragrance, gul=flower, naalaa=cry, duud=smoke, esp. from a lamp that’s been extinguished]
dil-e-hasarat_zadaa thaa maaiidaa-e-lazzat-e-dard

kaam yaaro.n kaa baqadr-e-lab-o-da.ndaa.N nikalaa
[maaiidaa=tablecloth (dastarkhaan); da.ndaa.N=teeth]

thii nau_aamoz-e-fanaa himmat-e-dushvaar_pasa.nd
saKht mushkil hai ki ye kaam bhii aasaa.N nikalaa

[nau_aamoz=beginner, dushvaar=difficult ]

dil me.n phir giriyaa ne ik shor uThaayaa ‘Ghalib’
aah jo qataraa na nikalaa thaa so tuufaa.N nikalaa

[giriyaa=weeping]

sar gashtagii me.n aalam-e-hastii se yaas hai
taskii.n ko de naved ke marane kii aas hai

[gashtagii=delirium; aalam-e-hastii=existence of this world; yaas=disappointment]
[taskii.n=contentment; naved=good news]

letaa nahii.n mere dil-e-aavaaraa kii Khabar
ab tak vo jaanataa hai ke mere hii paas hai

kiije bayaa.N suruur-e-tap-e-Gam kahaa.N talak
har muu mere badan pe zabaan-e-sipaas hai

[suruur-e-tap-e-Gam=pleasure from burning in pain]
[muu=hair; sipaas=obligation]

hai vo Guruur-e-husn se begaanaa-e-vafaa
har-cha.nd us ke paas dil-e-haq-shanaas hai

[har-cha.nd=although; dil-e-haq-shanaas=heart which can discern the truth]
pii jis qadar mile shab-e-mahataab me.n sharaab

is balagamii mizaaj ko garmii hii raas hai
[shab-e-mahataab=moonlit night; balagamii mizaaj=cold nature]

har yak makaan ko hai makii.n se sharaf “Asad”
majanuu.N jo mar gayaa hai to ja.ngal udaas hai

[makii.n=tenant; sharaf=prestige]

sab kahaa.N kuchh laalaa-o-gul me.n numaayaa.N ho gaii.n
Khaak me.n kyaa suurate.n ho.ngii ki pinhaa.N ho gaii.n

yaad thii hamako bhii rangaa rang bazmaaraaiiyaa.N
lekin ab naqsh-o-nigaar-e-taaq-e-nisiyaa.N ho gaii.n

[rangaa rang bazmaaraaiiyaa.N=decorations]

[naqsh-o-nigaar=flowery decorations; taaq-e-nisiyaa.N=forgotten shelf]

thii.n banaatunnaash-e-garduu.N din ko parde me.n nihaa.N
shab ko unake jii me.n kyaa aaii ki uriyaa.N ho gaii.n

[banaatunnaash-e-garduu.N=the stars comprising the Big Dipper; uriyaa.N=nude]

qaid me.n yaaquub ne lii go na yuusuf kii Khabar
lekin aa.Nkhe.n rauzan-e-diivaar-e-zi.ndaa.N ho gaii.n

[rauzan=hole; zi.ndaa.N=prison]

sab raqiibo.n se ho.n naaKhush, par zanaan-e-misr se
hai zulaiKhaa Khush ke mahv-e-maah-e-kanaa.N ho gaii.n

[misr=Egypt]

[mahv-e-maah-e-kanaa.N=enraptured by the moon of Egypt (here denotes Yusuf)]

juu-e-Khuu.N aa.Nkho.n se bahane do ki hai shaam-e-firaaq
mai.n ye samajhuu.Ngaa ke shamae.n ho farozaa.N ho gaii.n

[juu-e-Khuu.N=flow of blood]

in pariizaado.n se le.nge Khuld me.n ham intaqaam
qudarat-e-haq se yahii huure.n agar waa.N ho gaii.n

nii.nd usakii hai, dimaaG usakaa hai, raate.n usakii hai.n
terii zulfe.n jisake baazuu par parishaa.N ho gaii.n

mai.n chaman me.n kyaa gayaa, goyaa dabistaa.N khul gayaa
bul-bule.n sun kar mere naale, Gazal_Khvaa.N ho gaii.n

[dabistaa.N=school; naale=lament; Gazal_Khvaa.N=poetic]

vo nigaahe.n kyuu.N huii jaatii hai.n yaarab dil ke paar
jo merii kotaahii-e-qismat se mizshgaa.N ho gaii.n

[kotaahii-e-qismat=lack for fortune; mizshgaa.N=eyelids]

bas ki rokaa mai.n ne aur siine me.n ubhare.n pai ba pai
merii aahe.n baKhiyaa-e-chaak-e-gariibaa.N ho gaii.n

[baKhiyaa=a stitching pattern]

waa.N gayaa bhii mai.n to unakii gaaliyo.n kaa kyaa javaab
yaad thii jitanii duaaye.n, sarf-e-darbaa.N ho gaii.n

jaa.Nfizaa hai baadaa, jisake haath me.n jaam aa gayaa
sab lakiire.n haath kii goyaa rag-e-jaa.N ho gaii.n

[jaa.Nfizaa=life-giving; baadaa=liquor]

ham muvahihad hai.n, hamaaraa kesh hai tark-e-ruusuum
millate.n jab miT gaii.n, ajzaa-e-iimaa.N ho gaii.n

[muvahihad=believer in one God; kesh=religion]

[tark-e-ruusuum=departure from traditional practices]

[millate.n=community; ajzaa-e-iimaa.N=part of religion]

ra.nj se Khuugar huaa insaa.N to miT jaataa hai ra.nj
mushkile.n mujh par pa.Di itanii ke aasaa.N ho gaii.n

[Khuugar=used to]

yuu.N hii gar rotaa rahaa ‘Ghalib’, to ae ahl-e-jahaa.N
dekhanaa in bastiyo.n ko tum ki viiraa.N ho gaii.n

saadagii par us kii mar jaane kii hasarat dil me.n hai
bas nahii.n chalataa ki phir Khanjar kaf-e-qaatil me.n hai

dekhanaa taqariir kii lazzat ki jo usane kahaa
mai.nne yah jaanaa ki goyaa yah bhii mere dil me.n hai

garache hai kis kis buraa_ii se vale baa ii.n hamaa
zikr meraa mujh se behatar hai ki us mahafil me.n hai

bas hujuum-e-naa umiidii Khaak me.n mil jaayagii
yah jo ik lazzat hamaarii sa_i-e-behaasil me.n hai

ra.nj-e-rah kyo.n khe.nchiye vaamaa.ndagii ko ishq hai
uTh nahii.n sakataa hamaaraa jo qadam ma.nzil me.n hai

jalvaa zaar-e-aatash-e-dozaKh hamaaraa dil sahii
fitanaa-e-shor-e-qayaamat kis kii aab-o-gil me.n hai

hai dil-e-shoriidaa-e-Gaalib tilism-e-pech-o-taab
raham kar apanii tamannaa par ki kis mushkil me.n hai

Contributed by Abhay Ghasias

rahiye ab aisii jagah chalakar jahaa.N koii na ho
hamasuKhan koii na ho aur hamazabaa.N koii na ho

bedar-o-diivaar saa ik ghar banaayaa chaahiye
koii hamasaayaa na ho aur paasabaa.N koii na ho

pa.Diye gar biimaar to koii na ho tiimaaradaar
aur agar mar jaaiiye to nauhaa_Khvaa.N koii na ho

rahiye ab aisii jagah chalakar jahaa.N koii na ho
hamasuKhan koii na ho aur hamazabaa.N koii na ho

bedar-o-diivaar saa ik ghar banaayaa chaahiye
koii hamasaayaa na ho aur paasabaa.N koii na ho

pa.Diye gar biimaar to koii na ho tiimaaradaar
aur agar mar jaaiiye to nauhaa_Khvaa.N koii na ho

phir kuchh is dil ko beqaraarii hai

siinaa zoyaa-e-zaKhm-e-kaarii hai

[zoya=seeker, zaKhm-e-kaarii=deep wound ]

phir jigar khodane lagaa naaKhun

aamad-e-fasl-e-laalaakaarii hai

[aamad=arrival, fasl=season/harvest ]

qiblaa-e-maqsad-e-nigaah-e-niyaaz

phir vahii pardaa-e-ammaarii hai

[niyaaz=desire, ammaarii=rider’s seat with a canopy on an elephant or camel]

chashm-e-dallal-e-jins-e-rusavaaii

dil Khariidaar-e-zauq-e-Khvaarii hai

[chashm=eye, jins=things/items, zauq=taste ]

vahii sad_rang naalaa farsaaii

vahii sad_guunaa ashq_baarii hai

[sad=hundred, naalaa farsaaii=lamenter]

[sad_guunaa=hundred times, ashq_baarii=lame.ntation ]

dil havaa-e-Khiraam-e-naaz se phir

mahashristaa.N-e-beqaraarii hai

[Khiiraam=speed, mahshar=the last

day/”qayaamat kaa din”]
[mahashristaa.N=place of the last day ]

jalvaa phir arz-e-naaz karataa hai

roz-e-baazaar-e-jaa.N_supaarii hai

[jalvaa=splendour; jaa.N_sipaarii=resigning one’s life into the hands of another ]

phir usii bevafaa pe marate hai.n

phir vahii zindagii hamaarii hai

qataa:

phir khulaa hai dar-e-adaalat-e-naaz

garm baazaar-e-fauj_daarii hai

[dar=abode, fauj_daarii=military court]

ho rahaa hai jahaa.N me.n a.Ndher

zulf kii phir sarishtaa_daarii hai

[sarishtaa_daarii=a regulator’s position ]

phir diyaa paaraa-e-jigar ne savaal

ek fariyaad-o-aah-o-zaarii hai

[paaraa=fragme.nt ]

phir hue hai.n gavaah-e-ishq talab

ashq_baarii kaa hukm_zaarii hai

[talab=called, ashq_baarii=lamentation ]

dil-o-mizshgaa.N kaa jo muqadamaa thaa

aaj phir us kii ruub_qaarii hai

[mizshgaa.N=eyelids, ruub_qaarii=to put the mind into work ]

be_Khudii be_sabab nahii.n ‘Ghalib’

kuchh to hai jis kii pardaadaarii hai

[be_Khudii=rapture, be_sabab=vithout any reason]

[pardaadaarii=to hide, esp. fault ]

phir is a.ndaaz se bahaar aa_ii
ke huye mehar-o-maah tamaashaa_ii
[mehar-o-maah=sun and moon]
dekho ai sakinaan-e-khittaa-e-Khaak
is ko kahate hai.n aalam-aaraa_ii
[sakinaan-e-khittaa-e-Khaak=dwellers of this earth]
[aalaam=world; aaraa_ii=ornament]
ke zamii.n ho ga_ii hai sar taa sar
ruukash-e-satahe charKhe minaa_ii
[sar taa sar=infinite]
[ruukash-e-satah-e-charKh-e-minaa_ii=a sky full of stars]
sabze ko jab kahii.n jagah na milii
ban gayaa ruu-e-aab par kaa_ii
[sabze=greenery; ruu-e-aab=water surface; kaa_ii=moss]
sabz-o-gul ke dekhane ke liye
chashm-e-nargis ko dii hai binaa_ii
[sabz-o-gul=greenery and flower (flora)]
[chashm-e-nargis=Nargis is a flower which is shaped like an eye]
[binaa_ii=sight]
hai havaa me.n sharaab kii taasiir
badaanoshii hai baad paimaa_ii
[taasiir=effect; baadaanoshii=to drink wine]
[baad paimaa_ii=to take a measure of the wind]
kyuu.N na duniyaa ko ho Khushii “Ghalib”
shaah-e-dii.ndaar ne shifaa pa_ii
[shaah-e-dii.ndaar=pious/religious king; shifaa=regain health after an illness]
Note: This is a ‘qataah’ written by Ghalib after Bahadur Shah Zafar’s son (Dara Shikoh I think but I am not sure) recovered from what many thought would be a fatal illness. The recovery of the prince is equated to the return of spring, and nature in all its beauty seems to be celebrating along with the rest of the world. Some say it was the emperor himself whose recovery prompted this qataah from Ghalib.
aWaMiCHat.com
Ghalib is not known to be a ‘nature’ poet. This is one of the rare instances where he has used his poetic skills to descibe nature.

nuktaachii.N hai Gam-e-dil us ko sunaaye na bane

kyaa bane baat jahaa.N baat banaaye na bane

[nuktaachii.N=critic/sweetheart ]

mai.n bulaataa to huu.N us ko magar ae jazbaa-e-dil

us pe ban jaaye kuchh aisii ki bin aaye na bane

khel samajhaa hai kahii.n chho.D na de, bhuul na jaaye

kaash yuu.N bhii ho ki bin mere sataaye na bane

Gair phirataa hai lie yuu.N tere Khat ko ki agar

koii puuchhe ki ye kyaa hai to chhupaaye na bane

is nazaakat kaa buraa ho vo bhale hai.n to kyaa

haath aaye.n to u.nhe.n haath lagaaye na bane

[nazaakat=elegance]

kah sake kaun ki ye jalvaa_garii kisakii hai

pardaa chho.Daa hai vo usane ki uThaaye na bane

[jalvaa_garii=manifestation ]

maut kii raah na dekhuu.N ki bin aaye na rahe

tum ko chaahuu.N ki na aao to bulaaye na bane

bojh wo sar pe giraa hai ki uThaaye na uThe

kaam vo aan pa.Daa hai ki banaaye na bane

ishq par zor nahii.n, hai ye vo aatish ‘Ghalib’

ki lagaaye na lage aur bujhaaye na bane

[aatish=fire ]

naqsh fariyaadii hai kis kii shoKhii-e-tahariir kaa

kaaGazii hai pairahan har paikar-e-tasviir kaa

[naqsh=copy/print, fariyaad=complaint, tahariir=handwriting]

[kaaGazii=delicate, pairahan=dress, paikar=appearance]

kaave-kaave saKht_jaanii haaye tanhaaii na puuchh

subah karanaa shaam kaa laanaa hai juu-e-shiir kaa

[kaave-kaave=hard vork, saKht_jaanii=tough life, juu=canal/stream, shiir=milk]

[juu-e-shiir=to create a canal of milk, here means to perform an impossible task]

jazbaa-e-be_iKhtiyaar-e-shauq dekhaa chaahiye

siinaa-e-shamshiir se baahar hai dam shamshiir kaa

[iKhtiyaar=authority/pover, shamshiir=sword ]

aagahii daam-e-shuniidan jis qadar chaahe bichhaaye

muddaa anqaa hai apane aalam-e-taqariir kaa

[aagahii=knowledge/intution, daam=net/trap, shu
niid=conversation]
[anqaa=rare, aalam=vorld/universe, taqriir=speech/discourse ]

bas ke huu.N ‘Ghalib’ asiirii me.n bhii aatish zar-e-pa

muu-e-aatish_diidaa hai halqaa merii za.njiir kaa

[asiirii=imprisonme.nt/captivity, zar-e-pa=under the feet, muu=hair]

[aatish_diidaa=roasted on fire, halqaa=ring/circle ]