Category: Latest Shayari

maze jahaa.N ke apanii nazar me.n Khaak nahii

maze jahaa.N ke apanii nazar me.n Khaak nahii.n
sivaay Khuun-e-jigar, so jigar me.n Khaak nahii.n

magar Gubaar hue par hava u.Daa le jaaye
vagarnaa taab-o-tavaa.N baal-o-par me.n Khaak nahii.n

[Gubaar=clouds of dust, taab-o-tavaa.N=courage/strength, bal-o-par=feathers & vings ]

ye kis bahiisht_shamaail kii aamad-aamad hai
ke Gair jalvaa-e-gul raah_guzar me.n Khaak nahii.n

[bahiisht=heaven; shamaail=clothes; aamad=arrival; jalvaa-e-gul=display of flovers; raahaguzar=path ]

bhalaa use na sahii, kuchh mujhii ko raham aataa
asar mere nafas-e-be_asar me.n Khaak nahii.n

[nafas=breath]

Khayaal-e-jalvaa-e-gul se Kharaab hai maikash
sharaab_Khaane ke diivar-o-dar me.n Khaak nahii.n

huaa huu.N ishq kii Gaarat_garii se sharmi.ndaa
sivaay hasrat-e-taamiir ghar me.n Khaak nahii.n

[Gaarat_garii=destructiveness, taamiir=construction ]

hamaare sher hai.n ab sirf dil_lagii ke ‘Asad’
khulaa ki faayedaa arz-e-hunar me.n Khaak nahii.n

[arz-e-hunar=display of talents ]

mai.n u.nhe.n chhe.Duu.N aur kuch na kahe

mai.n u.nhe.n chhe.Duu.N aur kuch na kahe.n
chal nikalate jo mai piye hote
qahar ho yaa balaa ho, jo kuchh ho
kaash ke tum mere liye hote
merii qismat me.n Gam gar itanaa thaa
dil bhii yaa rab kaii diye hote
aa hii jaataa vo raah par ‘Ghalib’
koii din aur bhii jiye hote

mai.n u.nhe.n chhe.Duu.N aur kuch na kahe.n
chal nikalate jo mai piye hote
qahar ho yaa balaa ho, jo kuchh ho
kaash ke tum mere liye hote
merii qismat me.n Gam gar itanaa thaa
dil bhii yaa rab kaii diye hote
aa hii jaataa vo raah par ‘Ghalib’
koii din aur bhii jiye hote

laazim thaa ki dekho meraa rastaa koii din aur

laazim thaa ki dekho meraa rastaa koii din aur
tanhaa gaye kyo.n ab raho tanhaa koii din aur
[laazim=necessary, tanhaa=alone ]
miT jaayegaa sar, gar teraa paththar na ghisegaa
huu.N dar pe tere naasiyaa_farsaa koii din aur
[naasiyaa=forehead, farsaa=to kneel down and touch the forehead to the ground]
aaye ho kal aur aaj hii kahate ho ki jaauu.N
maanaa ki hameshaa nahii.n achchaa koii din aur
jaate hue kahate ho qayaamat ko mile.nge
kyaa Khuub! qayaamat kaa hai goyaa koii din aur
haa.N ae falak-e-piir, javaa.N thaa abhii aarif
kyaa teraa biga.Dataa jo na marataa koii din aur
[falak-e-piir=referring to God]
tum maah-e-shab-e-char_duhum the mere ghar ke
phir kyo.n na rahaa ghar kaa vo naqshaa koii din aur
[maah-e-shab-e-char_duhum=moon of the fourteenth night]
tum kaun se aise the khare daad-o-sitad ke
karataa malak_ul_maut taqaazaa koii din aur
[daad=justice, sitad=to take; malak_ul_maut=angel of death]
mujhase tumhe.n nafrat sahii, nayyar se la.Daaii
bachho.n kaa bhii dekhaa na tamaashaa koii din aur
guzarii na bahar_haal yaa muddat Khushii-naaKhush
karanaa thaa javaa.N_marg! guzaaraa koii din aur
[javaa.N_marg=one who dies young]
naadaa.N ho jo kahate ho ki kyo.n jiite ho ‘Ghalib’
qismat me.n hai marane kii tamannaa koii din aur

kyo.nkar us but se rakhuu.N jaan aziiz

kyo.nkar us but se rakhuu.N jaan aziiz
kyaa nahii.n hai mujhe iimaan aziiz

dil se nikalaa pa na nikalaa dil se
hai tere tiir kaa paikaan aziiz

taab laaye hii banegii ‘Ghalib’
baaqi_aa saKht hai aur jaan aziiz

Contributed by Abhay Ghasias

kyo.nkar us but se rakhuu.N jaan aziiz
kyaa nahii.n hai mujhe iimaan aziiz

dil se nikalaa pa na nikalaa dil se
hai tere tiir kaa paikaan aziiz

taab laaye hii banegii ‘Ghalib’
baaqi_aa saKht hai aur jaan aziiz

Contributed by Abhay Ghasias

koii ummiid bar nahii.n aatii

koii ummiid bar nahii.n aatii
koii suurat nazar nahii.n aatii
maut kaa ek din mu’ayyaa.N hai
nii.nd kyo.n raat bhar nahii.n aatii
[mu’ayyaa.N=definite]
aage aatii thii haal-e-dil pe ha.Nsii
ab kisii baat par nahii.n aatii
jaanataa huu.N savaab-e-taa’at-o-zahad
par tabiiyat idhar nahii.n aatii
[savaab=reward of good deeds in next life, taa’at=devotion, zahad=religious deeds]
hai kuchh aisii hii baat jo chup huu.N
varna kyaa baat kar nahii.n aatii
kyo.n na chiiKhuu.N ki yaad karate hai.n
merii aavaaz gar nahii.n aatii
daaG-e-dilagarnazar nahii.n aata
buu bhii ai chaaraagar nahii.n aatii
[chaaraagar=healer/doctor ]
ham vahaa.N hai.n jahaa.N se ham ko bhii
kuchh hamaarii Khabar nahii.n aatii
marate hai.n aarazuu me.n marane kii
maut aatii hai par nahii.n aatii
kaabaa kis muu.Nh se jaaoge ‘Ghalib’
sharm tumako magar nahii.naatii

koii din gar zi.ndaganii aur hai

koii din gar zi.ndaganii aur hai

koii din gar zi.ndaganii aur hai
apane jii me.n hamane Thaanii aur hai
aatish-e-dozaKh me.n ye garmii kahaa.N
soz-e-Gam hai nihaanii aur hai
[dozaKh=hell; soz=passion/heat; nihaanii=hidden ]
baarahaa dekhii.n hai.n unakii ra.njishe.n
par kuchh ab ke sar_giraanii aur hai
[sar_giraanii=pride]
deke Khat muu.Nh dekhataa hai naamaabar
kuchh to paiGaam-e-zabaanii aur hai
[naamaabar=messenger]
qaataa-e-amaar hai aksar nujuum
vo balaa-e-aasamaanii aur hai
[qaata-e-amaar=killers; nujuum=stars; balaa-e-aasamaanii=catastrophe]
ho chukii.n “Ghalib” balaaye.n sab tamaam
ek marg-e-naagahaanii aur hai
[balaaye.n=calamity; marg=death; naagahaanii=sudden/accidental]

kisii ko deke dil koii navaa_sa.nj-e-fuGaa.N kyo

kisii ko deke dil koii navaa_sa.nj-e-fuGaa.N kyo.n ho
na ho jab dil hii siineme.n to phir muu.Nh me.n zubaa.N kyo.n ho
[navaa_sa.nj-e-fuGaa.N=to cry out]
vo apanii Khuu na chho.De.nge ham apanii vazaa kyo.n badale.n
subuk_saar banake kyaa puuchhe.n ki ham se sar_giraa.N kyo.n ho
[Khuu=habit; vazaa=behaviour; subuk_saar=embarassed; sar_giraa.N=arrogant/proud]
kiyaa Gam_Khvaar ne rusavaa lage aag is muhabbat ko
na laaye taab jo Gam kii vo meraa raazadaa.N kyo.n ho
[Gam_Khvaar=one sho consoles; taab=patience; raazadaaN=confidante]
vafaa kaisii kahaa.N kaa ishq jab sar pho.Danaa Thaharaa
to phir ai sang_dil teraa hii sang-e-aastaa.N kyo.n ho
[sang_dil=stone-hearted; sang-e-aastaa.N=threshold]
qafas me.n mujh se ruudaad-e-chaman kahate na Dar ham_dam
girii hai jis pe kal bijalii vo meraa aashiyaa.N kyo.n ho
[qafas=cage; ruudaad=report]
ye kah sakate ho ham dil me.n nahii.n hai.n par ye bataao
ki jab dil me.n tumhii.n tum ho to aa.Nkho.n se nihaa.N kyo.n ho
[nihaa.N=hidden]
Galat hai jazabaa-e-dil kaa shikavaa dekho jurm kisakaa hai
na khii.ncho gar tum apane ko kashaakash darmiyaa.N kyo.n ho
[shikavaa=complaint; kashaakash=struggle; darmiyaa.N=between]
ye fitanaa aadamii kii Khaanaaviiraanii ko kyaa kam hai
hue tum dost jisake dushman usakaa aasmaa.N kyo.n ho
[fitanaa=quarrel; Khaanaaviiraanii=ruining of one’s home]
yahii hai aazamaanaa to sataanaa kis ko kahate hai.n
aduu ke ho liye jab tum to meraa imtihaa.N kyo.n ho
[aduu=enemy; imtihaa.N=examination]
kahaa tumane ki kyo.n ho Gair ke milane me.n rusavaaii
bajaa kahate ho sach kahate ho phir kahiyo ki haa.N kyo.n ho
[rusavaaii=disgrace; bajaa=correct]
nikaalaa chaahataa hai kaam kyaa taano.n se tuu “Ghalib”
tere bemahar kahane se vo tujh par meharabaa.N kyo.n ho
[taan=taunt; bemehar=unkind]

kii vafaa hamase to Gair use jafaa kahate hai

kii vafaa hamase to Gair use jafaa kahate hai.n
hotii aa_ii hai ke achchho.n ko buraa kahate hai.n
aaj ham apanii pareshaanii-e-Khaatir un se
kahane jaate to hai.n, par dekhiye kyaa kahate hai.n
agale vaqto.n ke hai.n ye log, i.nhe.n kuchh na kaho
jo may-o-naGme.n ko a.ndoharuubaa kahate hai.n
[a.ndoharuubaa=cure for pain or sorrow]
dil me.n aa jaa_e hai, hotii hai jo fursat Gash se
aur phir kaun se naale ko rasaa kahate hai.n?
[Gash=senseless/in a faint; rasaa=with a long reach]
hai par-e-sarahad-e-idaraak se apanaa masjuud
qible ko, ahal-e-nazar, qiblaanumaa kahate hai.n
[par-e-sarahad-e-idaraak=beyond the boundaries of knowledge]
[masjuud=to whom one bows i.e. God]
paa-e-afagaar pe jab se tujhe raham aayaa hai
Khaar-e-raah ko tere ham mehr-e-giyaa kahate hai.n
[paa-e-afagaar=wounded feet; Khaar-e-raah=thorn in the road]
[mehr-e-giyaa=(blade of) grass of kindness]
ik sharar dil me.n hai, us se ko_ii ghabaraayegaa kyaa
aag mataluub hai hamako, jo havaa kahate hai.n
dekhiye laatii hai us shoKh kii naKhvat kyaa rang
us kii har baat pe ham naam-e-Khudaa kahate hai.n
[naKhvat=pride]
vahashat-o-sheftaa ab marsiyaa kahave.n shaayad
mar gayaa “Ghalib”-e-aashuftaanavaa kahate hai.n
[vahashat-o-sheftaa=two poets of that time; marsiyaa=eulogy/poem of sorrow]
[aashuftaanavaa=one who speaks nonsense]

kal katte kaa jo zikr kiyaa tuune ham nashii

kal_katte kaa jo zikr kiyaa tuune ham_nashii.n
ik tiir mere siine me.n maaraa ke haaye haaye

[zikr = mention]

vo sabzaa zaar haaye mutarraa ke hai Gazab
vo naazanii.n butaan-e-Khud_aaraa ke haaye haaye

[sabzaa zaar = a place abounding in greenery]
[butaan-e-Khud_aaraa = self decorated beloved]

sabr_aazmaa vo un kii nigaahe.n ke haf nazar
taaqat_ruubaa vo un kaa ishaaraa ke haaye haaye

[sabr_aazmaa = that which tests one’s patience/endurance]
[haf nazar = benevolent eye]
[taaqat_rubaa = that which saps/drains the strength]

vo mevaa haaye taazaa-e-shiirii.n ke vaah vaah
vo baadaa haaye naab-e-gavaaraa ke haaye haaye

[mevaa = fruit; taazaa-e-shiirii.n = fresh and sweet]
[baadaa = wine; naab = unadulterated; gavaaraa = tasteful]

kahate ho na de.nge ham dil agar pa.Daa paayaa

kahate ho na de.nge ham dil agar pa.Daa paayaa
dil kahaa.N ki gum kiije hamane mudda_aa paayaa

ishq se tabii_at ne ziist kaa mazaa paayaa
dard kii davaa paa_ii dard-e-bedavaa paayaa

dostadaar-e-dushman hai etimaad-e-dil maaluum
aah be_asar dekhii naalaa naarasaa paayaa

saadagi-o-pur_kaarii beKhudii-o-hoshiyaarii
husn ko taGaaful me.n jura_at aazamaa paayaa

Gunchaa phir lagaa khilane aaj ham ne apanaa dil
Khuu.N kiyaa hu_aa dekhaa gum kiyaa hu_aa paayaa

haal-e-dil nahii.n maaluum lekin is qadar yaanii
ham ne baarahaa Dhu.NDhaa tum ne baarahaa paayaa

shor-e-pand-e-naaseh ne zaKhm par namak chhi.Dakaa
aap se ko_ii puchhe tum ne kyaa mazaa paayaa

Contributed by Abhay Ghasias

kab vo sunataa hai kahaanii merii

kab vo sunataa hai kahaanii merii
aur phir vo bhii zabaanii merii
Khalish-e-Gamzaaa-e-Khuu.Nrez naa puuchh
dekh Khuunaabaa_fishaanii merii
[Khalish=prick; Gamzaa-e-Khuu.Nrez=blood drenched sarcastic barbs]
[Khuunaabaa_fishaanii=to shed tears of blood]
kyaa bayaa.N karake meraa roye.ge yaar
magar aashuftaa-bayaanii merii
[aashuftaa-bayaanii=meaningless talk]
huu.N ziKhud raftaa-e-baidaa-e-Khayaal
bhuul jaanaa hai nishaanii merii
[ziKhud raftaa-e-baidaa-e-Khayaal=to be lost in one’s thoughts]
mutaqaabil hai muqaabil meraa
ruk gayaa dekh ravaanii merii
[mutaqaabil=face-to-face/present; muqaabil=rival]
qadr-e-sang-e-sar-e-rah rakhataa huu.N
saKht arzaa.N hai giraanii merii
[qadr-e-sang-e-sar-e-rah=value the stone that lies by the road]
[saKht=difficult/hard; arzaa.N=exceedingly cheap; giraanii= expense/cost]
dahan us kaa jo na maluum huaa
khul ga_ii hechamandaanii merii
[dahan=mouth; hechamandaanii=foolishness]
kar diyaa zof ne aajiz “Ghalib”
na.ng-e-piirii hai javaanii merii
[zof=old age/weakened state; aajiz =helpless; na.ng-e-piri=ashamed in old age]

jis bazm me.n tuu naaz se guftaar me.n aave

jis bazm me.n tuu naaz se guftaar me.n aave
jaa.N kaalabad-e-suurat-e-diivaar me.n aave
[naaz=grace; guftaar=speech; kaalabad=body]
saaye kii tarah saath phire.n sarv-o-sanobar
tuu is qad-e-dilakash se jo gulazaar mw.n aave
[sarv-o-sanobar=pine & cypress; qad=stature; gulazaar=garden]
tay naaz-e-giraa.Nmaayagii-e-ashk bajaa hai
jab laKht-e-jigar diidaa-e-Khuu.Nbaar me.n aave
[tay=decided; giraa.N=precious; giraa.Nmaayaa=of great value, ashq=tears]
[bajaa=correct; laKht=piece/fragment; diidaa=sight; Khuu.Nbaar=shedding blood]
de mujhako shikaayat kii ijaazat ki sitamagar
kuchh tujhako mazaa bhii mere aazaar me.n aave
[sitamagar=oppressor; aazaar=harm]
us chashm-e-fusuu.Ngar kaa agar paaye ishaaraa
TuuTii kii tarah aa_iinaa guftaar meiN aave
[chashm=eye; fusuu.Ngar=magician; TuuTii=bird; guftaar=speech]
kaa.Nto.n kii zabaa.N suukh gayii pyaas se yaa rab
ik aabalaapaa vaadii-e-puraKhaar me.n aave
[aabalaa=blister; aabalaapaa=having blisters on the feet;]
[vaadii=valley; Khaar=thorn; puraKhaar=full of thorns]
mar jaauu.N na kyo.n rashk se jab vo tan-e-naazuk
aaGosh-e-Khaam-e-halqaa-e-zunnaar me.n aave
[rashk=jeaously; tan-e-naazuk=having delicate body; aaGosh=embrace]
[Khaam=raw/crude; halqaa=circle; zunnaar=sacred thread worn by Hindus]
Gaaratagar-e-naamuus na ho gar havas-e-zar
kyo.n shaahid-e-gul baaG se baazaar me.n aave
[Gaarat=ravage; naamuus=reputation/honour]
[zar=money/wealth; shaahid=sweetheart ]
tab chaak-e-girebaa.N kaa mazaa hai dil-e-naadaa.N
jab ik nafas ulajhaa huaa har taar me.n aave
[chaak=torn; girebaaN=collar; nafas=breath]
aatish_kadaa hai siinaa meraa raaz-e-nihaa.N se
de vaaye agar ma’ariz-e-izhaar me.n aave
[raaz-e-nihaa.n=hidden secrets; ma’ariz=boundary]
ga.njiinaa-e-ma’anii kaa talism usako samajhiye
jo lafz kii “Ghalib” mere ashaar me.n aave
[ga.njiinaa=treasure; ma’anii=meaning; talism=magic; ashaaar=couplets]

jaur se baaz aaye par baaz aaye.n kyaa

jaur se baaz aaye par baaz aaye.n kyaa
kahate hai.n ham tum ko muu.Nh dikhalaaye.n kyaa
[jaur=opression]
raat din gardish me.n hai.n saat aasmaa.N
ho rahegaa kuchh na kuchh ghabaraaye.n kyaa
[gardish=misfortune]
laag ho to us ko ham samajhe.n lagaav
jab na ho kuchh bhii to dhokaa khaaye.N kyaa
[laag=love/affection]
ho liye kyo.n naamaabar ke saath-saath
yaa rab apane Khat ko ham pahuu.Nchaaye.n kyaa
[naamaabar=messanger]
mauj-e-Khuu.N sar se guzar hii kyo.n na jaaye
aastaan-e-yaar se uTh jaaye.n kyaa
[mauj=wave; aastaan=abode ]
umr bhar dekhaa kiye marane kii raah
mar gae par dekhiye dikhalaaye.n kyaa
puuchhate hai.n vo ki “Ghalib” kaun hai
koii batalaao ki ham batalaaye.n kyaa

ishq taasiir se naumed nahii

ishq taasiir se naumed nahii.n
jaa.N supaarii shahjr-e-bed nahii.n
[taasiir=effect; naumed=naa + ummiid]
sultanat dast-ba-dast aaii hai
jaam-e-mai Khaatam-e-jamashed nahii.n
hai tajallii terii saamane vajuud
jaraa be paratave Khurshiid nahii.n
raaz-e-maashuuq na rusavaa ho jaaye
varnaa mar jaane me.n kuchh bhed nahii.n
gardish-e-rang-e-tarab se Dar hai
Gam-e-maharuumii-e-jaaved nahii.n
kahate hai.n jiite hai.n ummiid pe log
ham ko jiine kii bhii ummiid nahii.n

ishq mujhako nahii.n vahashat hii sahii

ishq mujhako nahii.n vahashat hii sahii
merii vahashat terii shoharat hii sahii
[vahashat=solitude; shoharat=fame]
qataa kiije na ta’alluq ham se
kuchh nahii.n hai to adaavat hii sahii
[qataa=to break; ta’alluq=relation; adaavat=animosity]
mere hone me.n hai kyaa rusvaa_ii
ye vo majalis nahii.n Khalvat hii sahii
[majalis=assembly; Khalvat=isolation]
ham bhii dushman to nahii.n hai.n apane
Gair ko tujh se mohabbat hii sahii
apanii hastii hii se ho jo kuchh ho
aagahii gar nahii.n Gafalat hii sahii
[hastii=existence; aagahii=fore knowledge; Gafalat=negligence]
umr har cha.nd ke hai barq-e-Khiraam
dil ke Khuu.N karane kii fursat hii sahii
[barq=lightning; Khiraam=manner of walking]
ham koii tarq-e-vafaa karate hai.n
na sahii ishq musiibat hii sahii
[tarq=relinquishment]
kuchh to de ai falak-e-na_i.nsaaf
aah-o-fariyaad kii ruKhasat hii sahii
[falak=sky]
ham bhii tasliim kii Khuu Daale.nge
beniyaazii terii aadat hii sahii
[tasliim=greeting/salution; Khuu=habit; beniyaazii=independence]
yaar se chhe.Daa chalii jaaye “Asad”
gar nahii.n vasl to hasarat hii sahii
[vasl=meeting; hasarat=desire ]

ibn-e-mariyam huaa kare koii

ibn-e-mariyam huaa kare koii
mere dukh kii davaa kare koii
[ibn=son; mariyam=The Virgin Mary]
shuraa-o-aa_iin par madaar sahii
aise qaatil kaa kyaa kare koii
[shuraa=the Islamic divine code of life; aa_iin=law]
[madaar=circumference / place of turning ]
chaal jaise ka.Dii kamaa.N kaa tiir
dil me.n aise ke jaa kare koii
[jaa=space ]
baat par vaa.N zubaan kaTatii hai
vo kahe.n aur sunaa kare koii
bak rahaa huu.N junuu.N me.n kyaa kyaa kuchh
kuchh na samajhe Khudaa kare koii
[junuu.N=ecstasy]
na suno gar buraa kahe koii
na kaho gar buraa kare koii
rok lo gar Galat chale koii
baKhsh do gar Khata kare koii
[baKhsh=pardon, Khata=mistake]
kaun hai jo nahii.n hai haajatama.nd
kisakii haajat ravaa kare koii
[haajatama.nd=person in need; haajat=need; ravaa=fulfill]
kyaa kiyaa Khijr ne sika.ndar se
ab kise rahanumaa kare koii
jab tavaqqo hii uTh gayii “Ghalib”
kyo.n kisii kaa gilaa kare koii
[tavaqqo=expectations; gilaa=complaint]