dil-e-naadaa.N tujhe huaa kyaa hai

addbanner200x300

dil-e-naadaa.N tujhe huaa kyaa hai

urdu Shayari, urdu greeting Shayari, urdu mobile Shayari, romantic urdu Shayari, Latest urdu Shayari, new urdu Shayari, sweet urdu Shayari,urdu Shayari latest, urdu Shayari wallpaper 2013, urdu Shayari 2013 wallpaper, latest urdu Shayari wallpaper, urdu Shayari, wallpaper, urdu Shayari wallpaper hd, urdu Shayari wallpaper of Girls, urdu Shayari wallpaper of boys

dil-e-naadaa.N tujhe huaa kyaa hai
aaKhir is dard kii davaa kyaa hai
ham hai.n mushtaaq aur vo bezaar
yaa ilaahii ye maajaraa kyaa hai
[mushtaaq=interested; bezaar=displeased/sick of]
mai.n bhii muu.Nh me.n zabaan rakhataa huu.N
kaash puuchho ki muddaa kyaa hai
jab ki tujh bin nahii.n koii maujuud
phir ye ha.ngaamaa, ai Khudaa kyaa hai
qataah:
ye parii cheharaa log kaise hai.n
Gamazaa-o-ishvaa-o-adaa kyaa hai
shikan-e-zulf-e-ambarii kyo.n hai
nigah-e-chashm-e-surmaa saa kyaa hai
[shikan=wrinkle, ambarii=fragrance]
sabazaa-o-gul kahaa.N se aaye hai.n
abr kyaa chiiz hai havaa kyaa hai
hamako unase vafaa kii hai ummiid
jo nahii.n jaanate vafaa kyaa hai
haa.N bhalaa kar teraa bhalaa hogaa
aur darvesh kii sadaa kyaa hai
[darvesh=medicant; sadaa=voice]
jaan tum par nisaar karataa huu.N
mai.n nahii.n jaanataa duaa kyaa hai
mai.n ne maanaa ki kuchh nahii.n ‘Ghalib’
muft haath aaye to buraa kyaa hai